ثورة شباب تعبانه قصيدة من تأليف احمد خليل من شباب ميت ابو الكوم - ميت ابو الكوم

Breaking

الجمعة، 11 يناير 2013

ثورة شباب تعبانه قصيدة من تأليف احمد خليل من شباب ميت ابو الكوم

قصيدة 25 يناير ثورة شباب تعبانة كتبها احمد خليل بعد عودته من ميدان التحرير عندما سقط الديكتاتور من اول شرارة للثورة ونزل احمد خليل واستمر 18 يوم بالميدان شاهدا علي الثورة وشاهدا لمن لم يحضر هذا الحدث العظيم وعندما تنحى الفساد واحس بالامان جلس يكتب كلمات تعبر عن ماجال بخاطره ايامها ............... اليكم القصيدة


ثورة 25 يناير

ثورة شباب تعبانة وشعب قرف من الظلم والخيانة

ثورة غضب بركان كان مدفون
طلع للنور بعد سرقة كام مليون
هى كانت تورتة بتتقسم بس على ولاد السلطة 
ويشربوا دم الغلابة بالشاليموه
الشعب كله ثار
 ولا حتى خاف من ضرب النار
عشان اصل الدم كان رخيص
وكان حاكمنا طاغى خسيس
نزلوا الميدان شباب  رجال شيوخ بنات
كله نزل الميدان زهق قرف خرج من صمت مات
طلبنا واحد بس
عايزين كرامة عيش حرية 

حس كفاية بقى زل ومهانة

شعب اتذل فى كل حتة حتى ارض الكنانة

ونزلت واحد من ناس كتير
وشفت دموع بفرحة الحرية فرحة براءة اسير
شفت مصر فى مصرى نازل الميدان
كلهم عندهم امل بعيشة حلوة للغلبان
وفى وسط ناس مليانة حماس بتهتف تقول الشعب يريد اسقاط النظام
 لقينا ضرب نار وخرطوش كمان 
وناس وقعت ودم سال وحكومة بتقول مفيش سلام
مفيش تنازل عن تورتة ورث لجمال
مات شباب زى الورد
وشباب فى وش الناروقفت زى الجبال
ونزلت الميدان انا احمد خليل 
وفى قلبى بركان غضب من غير دليل
وشوفنا ضرب نار وقنابل مسيلة للدموع
وامهات وشيوخ من الحرقة عيونهم تذرف دموع
وبعد اصابة وموت شباب كتير
والدبابات ملت الشوارع تحسه كاريكاتير
اتنحى الفرعون وغار فى داهية
وفرحنا فرحة عمرنا وفرحتنا زاهية
يارب يدوم علينا الترابط
ولا عمر يحكم فينا تانى لا لوا ولا ظابط
وبعدها سيبوا علينا البلطجية والمساجين
عشان يروعوا شعب بالأمان كانوا حاسين
ولكن مصر صحيت ووقفوا وقفة مظلومين
رجالة صاحية طول ليل برد
يحمو الناس بلجان شعبية من بلطجى عامللى قرد
ثورة اتعلم منها العالم
وهناخد حقوقنا ولا لا يا عالم
كان فى شباب كتير فى بلدنا بلد السادات 
بيحسدونى على انى حضرت ثورة الحريات
ومنهم الشاب سمير قنبر
اللى بيعمل مدونات للقرية .... تصور
شبابنا خلاص نضج فاق من الغيبوبة 
وناقصنا بس حل لمشكلة الكهربا والأنبوبة
واخر الكلام ولكم منى الف سلام
والثورة راحت وركبوها ناس
هدفهم بس كراسى فلوس من غير صيام
 احمد خليل


هناك 6 تعليقات:

  1. شكرا لجهودك فى النشر يا باش مهندس

    ردحذف
  2. واللهى أصلى يابو حميد

    ردحذف
  3. العفو يا باشا

    ردحذف
  4. جميلة بجد

    ردحذف
  5. يا برنس هو ده الكلام

    ردحذف
  6. شكرا للتقدير منكم

    ردحذف