قصيدة نثرية من تأليف احمد خليل عبر فيها عن ما يرفضه من سلبيات في قريتنا
قريتنا
قرية ميت ابوالكوم
قرية غالبها سر النوم
قرية على طول ينقطع النور
وساعات كتير مية ونور
وناس غلابة مش شاطرة بس
غير فى توضيب سحور
قامت ثورة
وبلدنا لسه ملهاش دستور
ناس سلبية
وكله بيجرى ورا البنا ويعلى الدور
مشكلة كهربا مشكلة مية مشكلة انابيب
مالناش دعوة انتى هاتعملى عمرو اديب
يا ناس دى حقوقكم تطالبوا بيها
والنبى اتلهى الحكومة اولى بيها
كل اللى هاممهم الفشخرة الكدابة
لو حتى هاتكلهم ديابة
وفى سوق التلات تلاقى بلدنا نازلة
تشترى وتتفرج على الخضار والزحمة ازمة
وعمك مغاورى له مول كبير
اى حاجة تطلبها تلاقيها عندهم من غير تفكير
وعرفة ماشى بجراره يحمل حاجات كتير
لو تقوله هات ربع جنيه يحدفك بكلام مسامير
وناس بتبنى قصور وبيوت كتير
سبحانه لم بينعم على عبد كان فقير
بتمنى بس لبلدنا تبقى
بفكر حر ومنخافش ونطالب بحقوقنا الكتير
احمد خليل
لارسال ما تريد نشره على الايميل sameerkounbar@gmail.com
.jpg)
ليست هناك تعليقات:
إرسال تعليق