قصيدة بكره اللى جاي مش احلى من تأليف احمد خليل من شباب ميت ابو الكوم

كلمات جميلة من احمد خليل احد شباب ميت ابو الكوم ينعى الغد الذي كنا نتوقع او نتخيل او ربما نحلم ان يكون افضل من اليوم بعد تغيير نظام سياسي دفع ثمنه شباب دمهم سال على ارض مصر من اجل مصر

بكره اللى جاي مش احلى 

بكرة اللى جاى مش احلى 

يا مصر كانت ليكى عيون كحلى

دلوقتى الأمان راح منك 

والبلطجى بظلمه بيستحلى 

يا ثورة قامت ونامت 

والشعب شكله هايدورله على وطن احلى 

ركبوها ناس مالهمش بس غير فى الكراسى 

ناس تموت تندهس تنضرب بالنار يا قاسى  

لو ابنك مكانهم كنت عرفت احساس اهلهم واحساسى 

مشروع نهضة طلع فنكوش 

والنهضة ظهرت ع البلد يا عم حوش 

كفاية نهضة غلي بيها سوق النعوش 

جبهة انقاذ – مشكلة بوتاجاز 

وحكومة تضرب غاز والغلبان ملوش فى الألغاز 

ثورة قامت لاجل الغلبان يعيش 

ومن ساعتها مش لاقيين فى البلد غير الحشيش 

شبابنا ضاع يا رجالة يا بتوع السياسة 

حكومة او معارضة والمطحون جزاته الرصاصة 

كفاية يا ناس ارحمونا بقى 

الناس تعبت من الفقر ومن الشقى

فرحنا بعد ما مسكها حاملين كتاب الله 

قلنا هايصلحوا حال البلد قلنا على الله 

غلط ظننا فى ناس بتدور على نفسها يا حول الله 

والناس اللى اتعشمت فى حياة كريمة 

دلوقتى تقعد فى السيدة وتقول لله 

يارب مالناش غيرك تصلح حال البلد 

وتهدينا وتوفق كل اللى خايف على البلد 

احمد خليل 

لارسال ما تريد نشره على الايميل sameerkounbar@gmail.com