دايما متسرعين قصيدة نثرية من مبروك ابو يوسف ابن ميت ابو الكوم

قصيدة نثرية كلماتها خفيفة وسهلة ومعناها جميل جدا من مبروك ابو يوسف ابن قريتنا ميت ابو الكوم وهو يدافع عن ريفيته وقريته 

ديما متسرعين ديما متسرعين 

فى الحكم اول لما نسمع ان دول قرويين 

ونقول دول فــــــــــلاحين 

ومن ورا البهايم جــــــاييـــــن 

ديما متسرعين 

على ناس احنا اصلا مانعرفش إزاي عايشين 

ومن غير مـــــــــا نعرفهم نقول دول غلابة ومش فاهمين !

طب ما تسمع وتشوف مش ممكن تلاقى فيهم احسن من الحضريين ! 

دول فيهم دكاترة ومهندسين وادباء وشعراء وكمان روشيين 

وبعدين دول مش منهم السادات اللى قالها فى وش التخين ؟!

ومش هاقولها تانى لإنى مش السادات وانت اصلا مش تخين 

يا اخى دول برده مصريين وكلنا مخلوقين من طين 

واية يعنى ان كانو فلاحين .. ده بيروى ارضه بعرق الجبين 

ومن غيره مش هتاكل حتى لو معاك الملايين 

ومن  قلبي بقولهالك ان كلنا مصريين وبلاش نكون فى الحكم متسرعين 

وفي النهاية بلدي ميت ابو الكوم

 متوسطة الحجم وتاتى فى المرتبة الرابعة من حيث الحجم وابنائها يتميزون بالكرم الشديد وحبهم للغريب وافعال الخير فى السر والعلانية

مبروك ابو يوسف

م : سمير قنبر -- لارسال ما تريد نشره على الايميل sameerkounbar@gmail.com