فعلا ميت ابو الكوم فقعت القرد !!!!!!!!!!

كتب م سمير قنبر
مدلولات مقولة .... فقعت القرد  ,
فعلا فعلا يوجد هناك افعال واقوال كثيرة في قريتنا  ميت ابو الكوم تستحق ان توصف  " بفقعت القرد " فهذا المسكين القرد من المفروض ان يكون فرحا مرحا 
شغله الشاغل التنطيط والدوران في الهواء 
الا انه عندما جاء في يد صاحبه قديما الى قريتنا 
في بدايات القرن الماضي تقريبا 
اتفقع وطق من جنابه من اللي شافه   
الصورة اللي على الشمال دي للقرد
بعد ان تم تحنيطة وحفظه في متحف اللوفر بباريس 
كدلاله على امكانيات ميت ابو الكوم في فقع القرود

عارف ليه ؟ 
اشطر قرية تروج اشاعة في سرها 
اشطر قرية في الكلام .. ايوه  الكلام  بس .. لالا  انسى الفعل دا خالص 
اشطر قرية كل الرجالة اللي فيها عايزة تعمل عمد وبشوات 
القرية الوحيدة على مستوى الجمهورية اللي فيها خدمات وهيئات حكومية منذ 35 سنة ولم يتقدموا 
القرية الوحيدة في المحافظة اللي فيها قصر ثقافة من 35 سنة ورغم ذلك اهلها مش مثقفين . عارف ليه  لانهم مش فاضيين اصلا ولو تجرأ شاب ما طالع للدنيا بصدر واسع . مراهق وعايز يقرأ ويكون شخصيته 
يوووووه   ...... تلاقي التريقة والتأليس والتهزيق من كل اتجاه 
خد الكبيرة بقى ..
القرية الوحيدة على مستوى الجمهورية  التى لم تقم باي رد فعل منذ ثورة 25 يناير وحتى الان 
بصراحة ولا احلى من كدة 

عيش ونفض وعدي ايامك .. انت هاتعملي فيها ثورجي ومثقف .. هاها 
كان غيرك اشطر 


م : سمير قنبر -- لارسال ما تريد نشره على الايميل samirkonbr@gmail.com